يموت مليون بالمجان
في وسط العالم السعران
*******
في بلادنا
ما فيش إنسان
بلا أحزان
*******
ما فيش بكرة
في أوطانَّا
ما فيش أحلام
*******
يموت أطفال بأحلامهم
يموت عواجيز بأحزانهم
تموت أزهارنا في البستان
*******
في بلادنا...
يموت الخوف على الأبواب
وتغزل هي بإيديها
نسيج بكرة
وتزرع فينا من تاني
بذور العزة في عينيها
*******
في بلادنا...
باشوف النيل ...
سعيد فرحان
لأنه بيروي من تاني
بذور إنسان
*******
أمين رمضان 24March2015
الله، اد ايه بتنطق إحساس ، اد ايه بتوصف حالنا دلوقتي اكتر مما كنا نعتقد إنها للماضي و مر عليها سنوات
ردحذف