يٌسْرِي ماتْ
رمز البطولة .. والرجولة .. والثبات
من غير نساء ..
هُنَّ الأنوثة .. والطهارة .. والصلاة
إيه الوطن
من غير رجال ..
يحموا الحدود
يرفضوا ظلم الطغاة
عمر الوطن ..
ما يعيش كريم .. بالإمَّعاتْ
*******
مات الجسد
والروح سرى
شَكِّلْ شباب
شَكِّلْ بنات
شربوا علوم الروح…
قبل العقل
شربوها كاسات
*******
مين اللي مات؟!!!
اللي زرع نفسه…
في أرض القلوب
ولا اللي باع نفسة
بحفنة دولارات
*******
مين اللي مات؟!!!
اللي دفن علمُه .. في كهف الخوف
أو باعه للأموات
ولا اللي صنع علمُه
حِكَمْ وآيات
*******
أمين رمضان
الثلاثاء ١٢ مايو ٢٠١٥
0 التعليقات:
إرسال تعليق