صرخة
في عينيكي
واحب شقاوة الأطفال ..
في ايديكي
أحبك ليل
وانا قمرك
أحبك أحلى دووايني
وانا شعرك
يتوه الشعر
في شَعرك
***
وأسهر فوق جبل قيسون
وتحضنا .. مآذنكم
وأسمع صوت صلاح الدين
على لسانك
وإنتي في توبك الأبيض
يا شقية على حصانك
حصان جامح
في أحضانك
بيعشق فيكي أوطانك
***
ياليل الغربة
طال شوقي لبيارتي...
وأزهاري
لصوت النهر
في روحي...
وكراستي وأشعاري
وكل صباح...
أشوفك تاني مدرستي
وحشتيني
وحشتني كراسي الفصل
والصحبة
وحشني اللعب في الفسحة
وحشني صوت معلمتي
ومش لقياه...
في الغربة
وحشني حضن اصحابي
آخر اليوم
وشوق أمي...
وأحضانها...
آخر اليوم
وقبلة فوق جبيني .. وحضن
يومها...
ما عرفت الحزن
***
***
ومين يا ناس يرجعني؟
لأحلامي
وفين الناس؟
فين همَّه؟
فين الأمة؟
يا أمة
أمين رمضان / 25 أكتوبر 2013
أمين رمضان / 25 أكتوبر 2013
0 التعليقات:
إرسال تعليق